Guðmundur Mikkelsson

Úr Heimaslóð, Sögusetri Vestmannaeyja
Fara í flakk Fara í leit
Snjólaug Jónsdóttir og Guðmundur Mikkelsson.

Guðmundur Mikkelsson verkamaður á Búðarfelli fæddist 4. apríl 1871, (1870 á öðrum stað), í Færeyjum og lést 28. febrúar 1952 í Eyjum.

Guðmundur var 30 ára kvæntur bóndi í Hafnarnesi í Fáskrúðsfirði 1901 með Snjólaugu konu sinni og börnunum Sigurlaugu 6 ára, Páli Jóhannesi 3 ára og Guðnýju Petru á fyrsta ári.
1910 bjuggu hjónin í Stóra-Baldurshaga í Kolfreyjustaðarsókn með börnunum Páli Jóhannesi, Guðnýju Petru og Friðjóni eins árs. Sigurlaug var 15 ára vinnukona í Sigbjarnarhúsi í sömu sókn.
1920 voru hjónin búandi í Sandgerði í Búðahreppi og með þeim var Friðjón 11 ára. Tvö börn voru hjá þeim, skráð fósturbörn, Kristín Stefánsdóttir 4 ára og Sigurlaug Guðjónsdóttir 11 ára. Einnig var Sigurlaug Gunnlaugsdóttir móðir Snjólaugar hjá þeim, 78 ára. Sigurlaug var gift húsfreyja á sömu jörð með Einari Björnssyni manni sínum og þar var Páll Jóhannes til húsa.
Þau Snjólaug fluttust til Eyja 1934 og bjuggu að Búðarfelli. Guðmundur stundaði verkamannastörf.
Hann lést 1952.

Kona Guðmundar, (1892), var Snjólaug Jónsdóttir húsfreyja, síðar á Búðarfelli, f. 20. apríl 1871, d. 26. júlí 1950.
Börn Snjólaugar og Guðmundar voru:
1. Sigurlaug Guðmundsdóttir húsfreyja og verkakona, f. 11. september 1895, d. 14. febrúar 1980.
2. Páll Jóhannes Guðmundsson, f. 29. janúar 1898, d. 1. maí 1955.
3. Guðný Petra Guðmundsdóttir húsfreyja, f. 18. febrúar 1900, d. 30. desember 1976.
4. Friðjón Guðmundsson, f. 17. apríl 1909, d. 10. janúar 1981.
Fósturbörn Snjólaugar og Guðmundar voru:
5. Kristín Stefánsdóttir, f. 13. júlí 1916, d. 16. maí 2001.
6. Snjólaug Guðjónsdóttir húsfreyja, f. 15. desember 1910, d. 25. mars 1973. Hún var síðast búsett á Akureyri.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.