Guðmundur Halldórsson verkamaður

From Heimaslóð
Jump to: navigation, search

Guðmundur Halldórsson verkamaður, blikksmiður, fæddist 3. maí 1892 í Akraneshreppi og lést 1. janúar 1970 í Eyjum.
Foreldrar hans voru Halldór Ólafsson bóndi á Vestra-Reyni á Skaga, f. 7. mars 1836 í Stokkseyrarseli, Árn., d. 12. maí 1906, og síðari kona hans Þorlaug Sigurðardóttir húsfreyja, f. 19. maí 1853 á Ölvaldsstöðum í Mýrasýslu, d. 12. janúar 1947.

Guðmundur kvæntist Lilju 1938, bjó í fyrstu í Reykjavík, en fluttist með henni til Eyja.
Þau slitu samvistir og skildu.
Guðmundur bjó í Steinholti 1945, síðar í kjallaranum í Sólhlíð 24, Stanleyshúsi hjá Stanley og Sigrúnu Finnsdóttur. Þar vann hann við blikksmíðar auk verkamannavinnu.
Hann var að síðustu vistmaður í Elliheimilinu í Skálholti og lést 1970.

I. Kona hans, (24. nóvember 1938 hjá aðventistum í Reykjavík, skildu), var Jónína Lilja Guðmundsdóttir húsfreyja, f. 21. maí 1920, d. 14. febrúar 2004.
Þau voru barnlaus.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.