Guðjón Bjarnason (Bæ)

Úr Heimaslóð, Sögusetri Vestmannaeyja
Fara í flakk Fara í leit

Guðjón Bjarnason frá Bæ í Lóni, bóndi, síðar verkamaður í Eyjum fæddist 24. október 1875 á Stafafelli í Lóni og lést 25. nóvember 1938 í Eyjum.
Foreldrar hans voru Bjarni Jónsson bóndi í Hraunkotshjáleigu í Lóni, f. 18. maí 1849 í Vík þar, d. 9. maí 1901, og kona hans Hólmfríður Þorsteinsdóttir húsfreyja, f. 31. maí 1843 í Tunguhlíð í Álftafirði í S-Múl., d. 18. apríl 1916.

Guðjón var með foreldrum sínum í Hraunkoti í Lóni 1880-1897, vinnumaður hjá ekkjunni Sigríði Eiríksdóttur móður Guðnýjar Sigmundsdóttur 1897-1901.
Guðný og Guðjón voru í Bæ hjá Hólmfríði móður hans 1902, með nýfæddan son sinn þar 1903.
Þau Guðjón giftu sig 1903, eignuðust sex börn, misstu eitt þeirra níu ára gamalt.
Þau voru húsfólk í Bæ 1906 og 1907, bændur þar 1908-1934, er þau fluttu til Eyja og bjuggu á Urðavegi 41 í húsi Eiríks Ásbjörnssonar og Ragnhildar meðan báðum entist líf.
Guðjón vann verkamannastörf í Eyjum.
Hann lést 1938 í Eyjum og Guðný 1966 í Reykjavík.

I. Kona Guðjóns, (16. júní 1903), var Guðný Sigmundsdóttir frá Bæ, húsfreyja, f. 20. desember 1875, d. 1. apríl 1966.
Börn þeirra:
1. Ásmundur Guðjónsson forstjóri, f. 31. desember 1903, d. 12. júní 1964. Kona hans Anna Friðbjarnardóttir.
2. Bjarni Guðjónsson á Hofi, myndlistamaður, kennari, f. 27. maí 1906, d. 11. október 1986. Kona hans Sigríður Þorláksdóttir.
3. Hjalti Guðjónsson, f. 21. maí 1908, d. 24. nóvember 1917.
4. Ólöf Hulda Guðjónsdóttir húsfreyja í Reykjavík, síðast á Hraunvangi 7 í Hafnarfirði, f. 19. apríl 1913, d. 13. apríl 2008. Fyrri maður hennar Sigfús Sigfússon. Síðari maður Sæmundur Þórarinsson.
5. Gestur Guðjónsson sjómaður, vélstjóri, útgerðarmaður f. 26. febrúar 1916, d. 1. nóvember 2010.
6. Hjördís Þorbjörg Guðjónsdóttir húsfreyja í Reykjavík, f. 22. apríl 1921, d. 26. september 2000. Fyrri maður Sigurbjörn Eiríksson. Síðari maður Sverrir Einar Egilsson.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.