Gróa Helgadóttir (Draumbæ)

Úr Heimaslóð, Sögusetri Vestmannaeyja
Fara í flakk Fara í leit

Gróa Helgadóttir vinnukona frá Draumbæ fæddist 3. nóvember 1851, fór til Vesturheims 1889.
Foreldrar hennar voru Helgi Jónsson bóndi í Draumbæ, f. 8. september 1806, d. 3. september 1885, og sambýliskona hans Sigríður Guðmundsdóttir í Draumbæ, f. 26. september 1813, drukknaði 29. september 1855.
Gróa missti móður sína tæpra 4 ára. Hún var fósturbarn í Elínarhúsi hjá Guðrúnu Eyjólfsdóttur ekkju og húsfreyju 1860, fósturdóttir Guðrúnar 1870.
Hún var vinnukona í Sjólyst 1880, en 1884 fór hún austur á land og var vinnukona á Galtastöðum fremri í Hróarstungu á Héraði.
Gróa eignaðist barn á Galtastöðum 1888. Hún fór til Vesturheims 1889 frá Galtastöðum fremri með barnið. Hún stefndi á Winnipeg í Kanada.

I. Barnsfaðir hennar þar var Jónas Jónasson, f. 18. júní 1860 í Hróarstungu. Hann var léttadrengur, sonur vinnumanns í Miðfjarðarnesi í Skeggjastaðasókn, N.-Múl. 1880, vinnumaður á Þorvaldsstöðum þar 1901, niðursetningur þar 1910.
Barn þeirra var
1. Jón Júlíus Jónasson, f. 16. nóvember 1888 í Hróarstungu, N-Múl. Hann fór til Vesturheims frá Galtastöðum fremri, N-Múl. 1889.


Heimildir

  • Samantekt: Víglundur Þór Þorsteinsson.
  • Magnús Haraldsson.
  • Manntöl.
  • Prestþjónustubækur.
  • Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.