Gústav Pálsson (Breiðholti)

Úr Heimaslóð, Sögusetri Vestmannaeyja
Fara í flakk Fara í leit

Gústav Pálsson sjómaður í Breiðholti fæddist 3. febrúar 1889 í Berjanesi í V-Landeyjum og drukknaði 26. janúar 1923.
Foreldrar hans voru Páll Árnason bóndi í Berjanesi og í Garðsaukahjáleigu, f. 11. mars 1854, d. 20. maí 1915, og kona hans Sigrún Sveinsdóttir húsfreyja, f. 16. október 1864, d. 27. október 1931.

Börn Páls og Sigrúnar í Eyjum voru:
1. Gústav Pálsson sjómaður í Breiðholti, f. 3. febrúar 1889, drukknaði af hlöðnum uppskipunarbát á Víkinni 26. janúar 1923.
2. Sveinn Pálsson verkamaður, f. 2. júní 1896, d. 4. ágúst 1956.
3. Sigríður Kristín Pálsdóttir verkakona, saumakona, f. 3. febrúar 1898, d. 20. mars 1924.
4. Guðrún Pálsdóttir húsfreyja í Stakkholti 1930, síðar á Boðaslóð 1, f. 14. júní 1901, d. 13. desember 1964.
5. Árni Pálsson sjómaður, matsveinn á Auðsstöðum, f. 16. apríl 1903, d. 17. mars 1961.

Gústav var með foreldrum sínum í æsku, var með þeim í Berjanesi og fluttist með þeim að Garðsaukahjáleigu 1890 og var þar enn 1910.
Hann og Guðrún kona hans fluttust frá Þorgrímsstöðum í Ölfusi um Stokkseyri til Eyja 1920, en þangað hafði Gústav komið frá Berjanesi í V-Landeyjum. Hann bjó með Guðrúnu konu sinni í Breiðholti á árinu.
Gústav drukknaði af hlöðnum uppskipunarbát, er honum hvolfdi á Víkinni 26. janúar 1923. Hafði hann verið að afgreiða e.s. Síríus. Öðrum bátsverjum varð bjargað.

I. Kona Gústavs var Guðrún Jónsdóttir frá Þorgrímsstöðum í Ölfusi, húsfreyja, f. 17. mars 1898, d. 6. janúar 1936.
Barn þeirra:
1. Alfreð Gústavsson, f. 4. mars 1921 í Breiðholti, d. 22. maí 1921.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.