Gísli Gíslason (Heiðardal)

Úr Heimaslóð, Sögusetri Vestmannaeyja
Fara í flakk Fara í leit

Gísli Gíslason bóndi, formaður, vélstjóri á Kalastöðum (Kaðlastöðum) á Stokkseyri, síðar verkamaður í Heiðardal fæddist 27. nóvember 1866 á Kotferju í Flóa og lést 29. desember 1935.
Foreldrar hans voru Gísli Hannesson bóndi, f. 1819, d. 16. mars 1887, og kona hans Anna Jóhannsdóttir húsfreyja, f. 1822, d. 17. janúar 1899.

Gísli var með foreldrum sínum í æsku, var ókvæntur lærisveinn til heimilis hjá Hannesi bróður sínum á Kotferju 1890. Hann var kvæntur sjómaður með Guðrúnu og þrem börnum þeirra á Kalastöðum 1901.
Gísli bjó með Guðrúnu og sex börnum þeirra á Kalastöðum 1910 og var bátsformaður á vélbát hjá Ísfiskifélaginu Ingólfi.
Sigurþór elsti sonur þeirra lést á 19. árinu 1915.
Þau voru enn á Kalastöðum 1920 með 6 börn sín.
Þau fluttust að Heiðardal 1928 með börnin Hinrik, Ingibjörgu og Gísla. Þau fóstruðu Sigurþór Margeirsson dótturson sinn, son Önnu Gíslínu og Margeirs Rögnvaldssonar.
Gísli stundaði verkamannavinnu í Eyjum.
Hann lést 1935 og Guðrún 1945.

Kona Gísla, (9. nóvember 1895), var Guðrún Sigurðardóttir húsfreyja, síðar í Heiðardal, f. 6. október 1868 á Kalastöðum, d. 30. desember 1945.
Börn þeirra:
1. Sigurþór Gíslason, f. 11. nóvember 1896, d. 1. mars 1915.
2. Anna Gíslína Gísladóttir húsfreyja á Hæli, f. 6. júlí 1898, d. 11. september 1984.
3. Sigurður Gíslason sjómaður, f. 23. apríl 1900, d. 4. mars 1966.
4. Víglundur Gíslason, f. 23. ágúst 1902, d. 28. mars 1977.
5. Gísli Gíslason sjómaður, f. 6. október 1904, d. 17. júní 1992.
6. Þóra Gísladóttir í Drangey, f. 18. nóvember 1906, d. 31. ágúst 1982.
7. Hinrik Gíslason formaður, vélstjóri, f. 4. júní 1909, d. 16. mars 1986.
8. Ingibjörg Gísladóttir verkakona, saumakona, f. 28. desember 1911, d. 28. maí 2003.
Fóstursonur þeirra var
9. Sigurþór Margeirsson bifreiðastjóri, bifvélavirkjameistari, forstjóri, f. 27. október 1925, d. 22. ágúst 2002.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.