Fannar Óskarsson

Úr Heimaslóð, Sögusetri Vestmannaeyja
Fara í flakk Fara í leit

Elías Fannar Óskarsson frá Franska spítalanum, sjómaður, verkamaður fæddist 21. júní 1939 í Reykjavík og lést 28. maí 1998 á Sjúkrahúsinu.
Foreldrar hans voru Óskar Jósúason trésmíðameistari, f. 22. október 1915, d. 10. ágúst 1987 og kona hans Jósebína Grímsdóttir húsfreyja, f. 25. nóvember 1921, d. 28. desember 1993.

Börn Jósebínu og Óskars:
1. Elías Fannar Óskarsson sjómaður, verkamaður, f. 21. júní 1939, d. 28. mars 1998. Kona hans Helga Sigtryggsdóttir.
2. Hallgrímur Óskarsson húsa- og húsgagnasmíðameistari, f. 7. júlí 1943 í Árdal. Kona hans Sólrún Sædís Sigurbjörnsdóttir.
3. Þórunn Ester Óskarsdóttir húsfreyja, f. 1. september 1941 í Árdal, d. 29. október 2008. Maður hennar Brynjar Karl Stefánsson, látinn.
4. Páll Róbert Óskarsson húsgagnasmíðameistari, f. 10. júní 1946 í Franska spítalanum, d. 13. október 2020. Kona hans Þuríður Margrét Georgsdóttir, látin.
5. Steinunn Ósk Óskarsdóttir matreiðslumaður, sjókona, f. 25. júlí 1950 í Franska spítalanum. Fyrrum maður hennar Gunnar Snorri Snorrason.
6. Jósúa Steinar Óskarsson vélvirkjameistari, f. 4. október 1952 í Franska spítalanum. Kona hans Kristín Eggertsdóttir, látin. Síðari kona hans Lára Ósk Garðarsdóttir.

Fannar var með foreldrum sínum, flutti með þeim frá Reykjavík til Eyja 1940.
Hann var sjómaður og síðar fiskverkamaður hjá Ísfélaginu í tæp 20 ár.
Þau Helga giftu sig 1966, eignuðust fjögur börn. Þau bjuggu í fyrstu í Franska spítalanum, en á Fífilgötu 5 við Gos, síðar á Hvítingavegi 5 og síðast á Hólagötu 44.
Elías Fannar lést 1998.

I. Kona Elíasar Fannars, (12. febrúar 1966), er Helga Sigtryggsdóttir húsfreyja, f. 5. júlí 1946 á Siglufirði. Foreldrar hennar voru Sigtryggur Norðfjörð Jónatansson, f. 19. janúar 1917, d. 28. mars 1988, og Snæborg Þorsteinsdóttir, f. 17. október 1926, d. 4. september 1988.
Börn þeirra:
1. Jósebína Ósk Fannarsdóttir húsfreyja, verkakona, f. 27. maí 1966. Barnsfaðir hennar Magni Freyr Hauksson. Fyrrum maður hennar Svavar Valtýr Stefánsson. Maður hennar Gunnar Þór Grétarsson.
2. Elísabet Fanney Fannarsdóttir, f. 7. janúar 1968. Maður hennar Stefnir Davíðsson.
3. Halldóra Steinunn Fannarsdóttir sjókona, f. 29. ágúst 1973, ógift.
4. Jóhanna Fannarsdóttir verslunarmaður, f. 30. ágúst 1974, óg.
Dóttir Helgu og kjördóttir Fannars:
5. Sandra Snæborg Fannarsdóttir innkaupastjóri, f. 23. september 1964. Fyrrum maður hennar Gunnar Snorrason.


Heimildir

  • Samantekt: Víglundur Þór Þorsteinsson.
  • Íbúaskrá Vestmannaeyja 1972.
  • Íslendingabók.is.
  • Morgunblaðið 6. júní 1998. Minning.
  • Prestþjónustubækur.


Þessi grein tilheyrir Æviskrám Eyjafólks eftir Víglund Þór Þorsteinsson.