Elín Jónsdóttir (Eystri Oddsstöðum)

Úr Heimaslóð, Sögusetri Vestmannaeyja
Fara í flakk Fara í leit
Elín Jónsdóttir húsfreyja.

Elín Jónsdóttir húsfreyja á Eystri Oddsstöðum og Strandbergi fæddist 15. febrúar 1863 á Grímsstöðum í V-Landeyjum og lést 9. janúar 1950 í Eyjum.
Faðir hennar var Jón bóndi á Grímsstöðum og Klasbarða í V-Landeyjum, f. 22. júní 1820 í V-Landeyjum, d. 19. maí 1894, Pálsson bónda á Eystrihól þar, síðar (1845) vinnumanns á Vilborgarstöðum, f. 1782 í Hemluhjáleigu í V-Landeyjum, d. 27. janúar 1848, Arnoddssonar bónda á Hemlu þar, f. 1750, Pálsonar, og konu Arnodds, Sesselju húsfreyju, f. 1740, Eyjólfsdóttur.
Móðir Jóns á Grímsstöðum og kona Páls Arnoddssonar var Helga húsfreyja, f. 1780 á Bergþórshvoli, d. 12. september 1825, Hróbjartsdóttir bónda á Bergþórshvoli, d. 1783, Björnssonar, og konu hans, Geirlaugar húsfreyja, f. 1745 í A-Landeyjum, d. 8. ágúst 1831, Guðmundsdóttur.

Móðir Elínar og kona Jóns var Ragnheiður húsfreyja á Grímsstöðum, f. 31. júlí 1826, d. 28. mars 1894, Jónsdóttir bónda á Háarima í Þykkvabæ, f. 28. september 1798, d. 7. mars 1872, Guðnasonar vinnumanns á Víkingslæk á Rangárvöllum, f. 1742, d. 20. september 1808, Daðasonar, og barnsmóður Guðna, Kristínar vinnukonu í Flagbjarnarholti efra á Landi 1801, síðar húsfreyju á Miðhúsum í Garði, Réttarhúsum í Fljótshlíð og á Eystrihól í Landeyjum, f. 9. október 1769, d. 5. ágúst 1860, Bjarnadóttur.
Móðir Ragnheiðar og kona Jóns var Elín húsfreyja, f. 23. mars 1802, d. 14. nóvember 1875, Jónsdóttir bónda á Norður-Nýjabæ í Holtum, f. um 1769, d. 6. ágúst 1839, Oddssonar, og konu Jóns Oddssonar, Sigríðar húsfreyju, f. 1772, d. 25. janúar 1841, Magnúsdóttur.

Elín var með foreldrum sínum á Grímsstöðum 1870 og 1880, 26 ára vinnukona á Fossi í Mýrdal með barnið Eyþór Þórarinsson eins árs hjá sér. 1901 var hún gift, (1889), húsfreyja á Fossi með Þórarni bónda og organista og börnunum Eyþóri 12 ára, Eyvindi 9 ára, Oddgeiri Páli 8 ára, Árna Guðbergi 5 ára, Guðlaugi Guðna 3 ára. Þar var einnig Árni Jónsson ekkill 70 ára, fyrum bóndi á Fossi, faðir Þórarins.
1910 var Elín húsfreyja á Eystri Oddsstöðum, eigin húsi þeirra Þórarins. Þar voru með þeim 8 börn þeirra. Bæst höfðu við Ingveldur, Ragnhildur og Júlíus.
Þau bjuggu á Strandbergi, (Strandvegi 39) 1920 með fjölskyldunni, í Eyvindarholti við Brekastíg 1924 og meðan báðum var lífs auðið. Þórarinn lést 1926.
Elín var hjá Ingveldi dóttur sinni í Rafnsholti á Kirkjuvegi 64 1930. Hún var hjá henni í Eskihlíð á Skólavegi 36 1940, á Brekastíg 33 1945 og á Fífilgötu 3 1949 og þar bjó hún við andlát 1950.


ctr


Elín Jónsdóttir og Þórarinn Árnason.


Maður Elínar, (2. nóvember 1888), var Þórarinn Árnason bóndi, verkamaður, bæjarfulltrúi í fyrstu bæjarstjórn Vestmannaeyja, áður bóndi og organisti á Fossi í Mýrdal, f. 13. júní 1865, d. 22. febrúar 1926.
Börn þeirra Þórarins voru:
1. Eyþór Þórarinsson kaupmaður, verkstjóri, bæjarfulltrúi, f. 29. maí 1889, d. 19. febrúar 1968.
2. Páll Þórarinsson, f. 2. júní 1890, d. 9. júní 1890.
3. Eyvindur Þórarinsson formaður, hafnsögumaður, f. 13. apríl 1892, d. 25. ágúst 1964.
4. Oddgeir Páll Þórarinsson formaður, vélstjóri á Rafstöðinni, f. 17. september 1893, d. 11. ágúst 1972.
5. Árni Guðbergur Þórarinsson formaður, hafnsögumaður, f. 25. maí 1896, d. 18. janúar 1982.
6. Guðlaugur Guðni Þórarinsson öryrki, f. 2. janúar 1898, d. 15. september 1925.
7. Ingveldur Þórarinsdóttir verslunarmaður, f. 12. apríl 1902, d. 29. apríl 1994.
8. Ragnhildur Þórarinsdóttir húsfreyja, f. 2. desember 1904, d. 23. nóvember 1997.
9. Júlíus Þórarinsson verkstjóri, f. 4. júlí 1906, d. 2. júní 1983.


Heimildir

  • Samantekt: Víglundur Þór Þorsteinsson.
  • Holtamannabók I – Holtahreppur. Valgeir Sigurðsson og fleiri. Ritstjórn: Ragnar Böðvarsson. Rangárþing ytra, Hellu 2006.
  • Íslendingabók.is.
  • Manntöl.
  • Prestþjónustubækur.
  • Steinar Júlíusson.
  • Vestur-Skaftfellingar 1703-1966. Björn Magnússon. Leiftur 1970-1973.