Edvin Jóelsson

From Heimaslóð
Jump to: navigation, search
Edvin Jóelsson/Gói á Kirkjubæ/Gói í Svanhól.

Edvin Jóelsson fæddist 2. júní 1922 og lést 25. mars 1971. Hann bjó á Urðavegi 17 og Hásteinsvegi 6, Kiðjabergi. Foreldrar hans voru Jóel Eyjólfsson og Oktavía Einarsdóttir.

Edvin tók mótorvélstjórapróf 1941 og skipstjóranámskeið 1943 í Vestmannaeyjum. Fiskimannapróf tók hann frá Sjómannaskólanum í Reykjavík 1948. Hann var vélstjóri á Kára VE-27 og vélstjóri og stýrimaður á Kára VE 47. Skipstjóri á Álsey 1949-50, Emmu 1951, Helga Helgasyni 1952, var með Skaftfelling 1955-1957 í flutningum og síðast með Lagarfoss 1964. Vann síðast við fiskmat.

Óskar Kárason samdi formannavísu um Edvin:

Jóels sonur Áls- með ey
Edvins gegnir heiti,
dregur í hið forna fley
fisk úr djúpa reiti.

Óskar samdi seinna aðra vísu um hann:

Þriðja skal njóta niðja
nefna son Jóels, gefna.
Edvin sá heitir svinnur,
seggur, er Skafta leggur,
hríð út í storma stríða,
straumur þó æstur kraumi.
Föng sækir fírinn löngum
fíkinn til Reykjavíkur.

Myndir


Heimildir

  • Óskar Kárason. Formannavísur. Vestmannaeyjum, 1950.
  • Óskar Kárason. Formannavísur II. Vestmannaeyjum, 1956.
  • Myndasafn Fanneyjar Ármannsdóttur.
  • KG-mannamyndir 12111.