Dóra Steindórsdóttir (Hlíðardal)
Dóra Steindórsdóttir húsfreyja, sjúkrahússstarfsmaður, dagmóðir frá Hlíðardal fæddist 28. nóvember 1934 í Langa-Hvammi.
Foreldrar hennar voru Steindór Jónsson, þá bifreiðastjóri í Langa-Hvammi, f. 24. september 1909 í Steinum u. Eyjafjöllum, d. 16. febrúar 2010 og sambýliskona hans Þórunn Ólöf Benediktsdóttir, síðar húsfreyja í Reykjavík, f. 24. júní 1912, d. 28. maí 1964.
Fósturforeldrar hennar voru Guðjón Jónsson föðurbróðir hennar, skipstjóri, útgerðarmaður, f. 5. desember 1899, d. 8. júlí 1966 og síðari kona hans Rannveig Eyjólfsdóttir húsfreyja, f. 9. september 1896, d. 15. september 1982.
Börn Steindórs og Þórunnar Ólafar:
1. Grímur Marinó Steindórsson listamaður, f. 25. maí 1933 á Vestmannabraut 76, d. 5. júní 2019.
2. Dóra Steindórsdóttir húsfreyja, sjúkrahússstarfsmaður, dagmóðir frá Hlíðardal, f. 28. nóvember 1934 í Langa-Hvammi.
3. Hrönn Steindórsdóttir, f. 26. febrúar 1936 á Hásteinsvegi 17, d. 16. mars 1936.
Barn Þórunnar Ólafar með James L. McKenney, bandarískum hermanni:
4. Hrafn Steindórsson blikksmiður, leigubifreiðastjóri, f. 8. janúar 1944. Hann valdi föðurnafn sitt.
Fóstursystkini Dóru, börn Guðjóns og Sigurbjargar Guðmundsdóttur fyrri konu hans voru:
5. Jóhanna Magnúsína Guðjónsdóttir húsfreyja, f. 6. september 1923 í Hlíðardal, d. 9. júní 2018.
6. Bergþór Guðjónsson skipstjóri, útgerðarmaður, f. 28. ágúst 1925 í Hlíðardal, d. 18. nóvember 2007.
Barn Guðjóns í Hlíðardal og síðari konu hans Rannveigar Eyjólfsdóttur er
7. Ásta Sigurbjörg Guðjónsdóttir húsfreyja, f. 1. ágúst 1929 í Hlíðardal.
Dóra var með foreldrum sínum í Langa-Hvammi við fæðingu, var með þeim á Hásteinsvegi 17, síðan á Herjólfsgötu 12, en frá 1939 var hún fósturbarn í Hlíðardal hjá Guðjóni og Rannveigu.
Þau Þorvaldur giftu sig 1956, bjuggu á Brimhólabraut 23 1960, síðan á Hásteinsvegi 52, uns þau fluttu að Hásteinsvegi 60, ,,Blokkinni“ og bjuggu þar til Goss.
Þau fluttust þá til Reykjavíkur og bjuggu þar.
Þorvaldur lést 2016.
Dóra býr nú í Garðabæ.
Maður Dóru, (21. desember 1956), var Þorvaldur Ingólfsson frá Akureyri, sjómaður, verkamaður, starfsmaður Ísals í Straumsvík, f. 15. maí 1935, d. 10. janúar 2016.
Börn þeirra:
1. Steinunn Jóhanna Þorvaldsdóttir húsfreyja, f. 12. desember 1954. Maður hennar er Hafliði Kristinsson, f. 11. maí 1956.
2. Inga Hrönn Þorvaldsdóttir húsfreyja, f. 1960. Maður hennar er Jóhannes Ingimarsson, f. 23. maí 1958.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.