Breytileg átt og hægviðri

Úr Heimaslóð, Sögusetri Vestmannaeyja
Fara í flakk Fara í leit
Þjóðhátíðarlag
1948 1949 1950
Breytileg átt um svalan sæ
og síld er varla nokkur,
en allir vita, að Ási í Bæ
er Íslands besti kokkur.
Kveð ég um síldarkempurnar,
­kaldur er norðan svalinn ­
meðan ég svíf með Sigga Mar
sætmjúkur um dalinn.
Um dalinn allan ólgar líf
og glymur af gleðilátum,
þar er dans og vín og víf
og varðeldar hjá skátum.
­Bregðist ennþá síldin úr sjó
og svarri brim á rifi,
glaðir drykkju þreytum þó;
þjóðhátíðin lifi


Lag: Oddgeir Kristjánsson
Texti: Árni úr Eyjum