Brúarhús

Úr Heimaslóð, Sögusetri Vestmannaeyja
Fara í flakk Fara í leit


Gosnóttina 1973 bjuggu í Brúarhús við Vestmannabraut 1 Gunnar Marel Jónsson og dóttir hans Svava Gunnarsdóttir. Sigurlaug Pálsdóttir eiginkona Gunnars var á sjúkrahúsinu.

Aðfaranótt 23 janúar 1973 Svava vaknar upp við mikla umferð, þegar hún lítur út þá sér hún að verið er að reka kýrnar frá Kirkjubæ niður Heimagötu. Þau feðgin fóru fljótlega niður á bryggju og síðan með bát til Þorlákshafnar. Brúarhús brann á meðan á eldgosinu stóð þann 2. apríl 1973.

Húsið Brúarhús, einnig oft nefnt Hornið stóð við Vestmannabraut 1, á horni Vestmannabrautar og Heimagötu. Það var reist árið 1921 af Gunnari Marel Jónssyni skipasmið. Fjölskylda hans var löngum kennd við Hornið og er enn. Húsið var íbúðarhús en þó var Kaupfélag Verkamanna á neðri hæð um tíma.



Heimildir

  • Vestmannabraut. Verkefni unnið af þátttakendum á námskeiðinu Húsin í götunni. Vestmannaeyjar, 2004.

Úr verkefninu Byggðin undir hrauninu.

Samantekt Helgu Jónsdóttur árið 2007.

Eigandi myndarinnar er Svava Gunnarsdóttir. Myndin tekin 1963.