Bjarni Gunnar Sveinsson

Úr Heimaslóð, Sögusetri Vestmannaeyja
Fara í flakk Fara í leit

Bjarni Gunnar Sveinsson frá Ásavegi 26, viðskiptafræðingur, framkvæmdastjóri, sjómaður fæddist 19. maí 1946.
Foreldrar hans voru Sveinn Ásgeirsson hagfræðingur, útvarpsmaður, f. 17. júlí 1925, d. 7. júní 2002, og barnsmóðir hans Guðrún Anna Gunnarsson húsfreyja, f. 4. maí 1923, d. 25. maí 2010.

Börn Guðrúnar Önnu og Þorsteins Magnússonar:
1. Elín Kristín Þorsteinsdóttir húsfreyja, bókari, síðast í Hafnarfirði, f. 25. september 1951, d. 25. mars 2007. Fyrri maki Sæmundur Vilhjálmsson. Síðari maki Ásmundur Sigvaldason.
2. Magnús Gunnar Þorsteinsson skrifstofustjóri í Eyjum, f. 28. ágúst 1954. Kona Kristín Sigurðardóttir.
3. Sigurður Gunnar Þorsteinsson húsamíðameistari í Reykjavík, f. 5. ágúst 1956. Kona Aldís Gunnarsdóttir.
4. Herdís Magnúsína Þorsteinsdóttir húsfreyja, hárgreiðslumeistari í Kópavogi, f. 27. apríl 1961. Maður hennar Finnur Kristinsson.
5. Anna Hedvig Þorsteinsdóttir húsfreyja, viðskiptafræðingur, sölustjóri í Reykjavík, f. 14. maí 1968. Sambýlismaður Gunnar Svavarsson.
Barn Guðrúnar með Sveini Ásgeirssyni, og fósturbarn Þorsteins:
6. Bjarni Gunnar Sveinsson viðskiptafræðingur, framkvæmdastjóri í Reykjavík, f. 19. maí 1946. Sambýliskona Júlía Leví Gunnlaugsdóttir Björnson.

Börn Sveins Ásgeirssonar með fyrri konu sinni:
7. Karólína Sveinsdóttir, f. 13 júní 1949.
8. Snorri Sveinsson, f. 3. febrúar 1952.
9. Ásgeir Sveinsson, f. 25. júní 1954.

Bjarni Gunnar var með móður sinni fyrstu árin, síðan með henni og fósturföður sínum Gissuri Þorsteini Magnússyni frá London, húsgagnasmíðameistara, f. 30. júní 1919, d. 12. nóvember 1983.
Hann varð stúdent í Menntaskólanum á Akureyri, viðskiptafræðingur í Háskóla Íslands.
Bjarni Gunnar var framkvæmdastjóri fyritækjanna, Vélsmiðjunnar Faxa hf. og Faxavélar ehf. í Reykjavík.
Hann stundaði sjómennsku á yngri árum og á sjötugsaldri gerðist hann togarasjómaður um níu ára skeið.

I. Kona Bjarna Gunnars, (skildu), er Unnur Ríkey Helgadóttir húsfreyja, f. 10. febrúar 1949. Foreldrar hennar voru Helgi Brynjólfsson vélstjóri, f. 6. október 1918, d. 7. febrúar 2004, og kona hans Huld Þorvaldsdóttir frá Svalvogum í Dýrafirði, húsfreyja, f. 17. mars 1915, d. 22. nóvember 2008.
Börn þeirra:
1. Þorsteinn Gunnar Bjarnason kvikmyndagerðarmaður, f. 7. ágúst 1974. Ókv.
2. Helgi Bjarnason lífeðlisfræðingur í Reykjavík, f. 2. nóvember 1982. Ókv.

II. Sambýliskona Júlía Leví Gunnlaugsdóttir Björnson, f. 26. febrúar 1947. Foreldrar hennar voru Gunnlaugur Guðmundsson Björnson stúdent, bankafulltrúi í Reykjavík, f. 7. mars 1912, d. 26. ágúst 1988, og Margrét Pálína Lilja Jónsdóttir Björnson húsfreyja, kennari, f. 1. ágúst 1920, d. 7. mars 1975.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.