Bjarni Björnsson (Miðhúsum)

Úr Heimaslóð, Sögusetri Vestmannaeyja
Stökkva á: flakk, leita

Bjarni Björnsson bóndi á Miðhúsum fæddist 1752 í Ásgarði í Landbroti í V-Skaft. og lést 23. nóvember 1827.
Faðir hans var Björn bóndi í Ásgarði, f. 1695, Steinsson bónda á Undirhrauni í Meðallandi, f. 1641, Jónssonar og konu Steins, Guðrúnar húsfreyju, f. 1648, Guðmundsdóttur.
Móðir Björns í Ásgarði og kona Steins var Hallný húsfreyja, f. 1662, Sæmundsdóttir.
Móðir Bjarna á Miðhúsum er ókunn, f. um 1721.

Bjarni var með foreldrum sínum í Ásgarði 1762.
Bjarni var orðinn bóndi á Vilborgarstöðum 1790.
Aðfaranótt 10. febrúar 1790 var framið rán á Miðhúsum (sjá Miðhúsaránið). Var Bjarni talinn viðriðinn það og var dæmdur til þriggja ára fangavistar í Reykjavík 13. júlí 1791.
Þar kynntist hann Þuríði Högnadóttur, sem dæmd hafði verið fyrir fjögur frillulífsbrot, þ.e. barneignir án hjónabands.
Að lokinni vist bjuggu þau saman í Hólakoti í Reykjavík.
Bjarni æskti skilnaðar við konu sína Ingibjörgu vegna hórdómsbrots hennar, en hún hafði eignast barn með Páli Guðmundssyni á Vilborgarstöðum 1792. Fékk hann skilnað frá henni 16. júlí 1798.
Hann kvæntist svo Þuríði 14. maí 1799 og fluttust þau fljótlega til Eyja og bjuggu í Kornhól. Börn Þuríðar fylgdu þeim til Eyja. Sonur hennar Jónas Einarsson, síðar Vestmann varð síðar formaður á Þurfalingi og fórst með honum í Leiðinni 5. mars 1834.
Þau Þuríður og Bjarni fengu inni í Kornhól. Hann vann við verslunina og mun hafa reynst til fyrirmyndar í verkum sínum.
Bjarni fékk byggingu fyrir Miðhúsum fljótlega eftir heimkomuna.
Eftir lát Þuríðar 1801 réði hann til sín bústýru, Halldóru Pétursdóttur, og kvæntist henni síðar. Höfðu þau eignast börn áður.

Bjarni lét sér ekki allt fyrir brjósti brenna. Við dvöl Gilpins sjóræningja og manna hans í Eyjum á hann að hafa hvatt til þess, að þeir yrðu drepnir. Hann mun hafa átt forláta byssu, sem hann ætlaði að nota á liðið. (SMJ).

I. Kona Bjarna, (7. október 1787, skildu), var Ingibjörg Hreiðarsdóttir frá Kirkjubæ, f. 1762.
Börn Bjarna og Ingibjargar hér:
1. Guðríður Bjarnadóttir, f. 26. desember 1787, d. 4. janúar 1788 úr ginklofa.
2. Sveinn Bjarnason, f. 4. desember 1788, d. 11. desember 1788 úr ginklofa.
3. Guðríður Bjarnadóttir, f. 5. janúar 1791, d. 1. febrúar 1791 úr ginklofa.
4. Vigdís Bjarnadóttir, f. 18. febrúar 1792, d. 22. febrúar 1792, 5 daga gömul „af brjóstveiki“.

II. Kona Bjarna var Þuríði Högnadóttur, f. um 1767, d. 12. september 1801.
Börn þeirra hér:
5. Kristján Bjarnason, f. 30. janúar 1800, d. 5. febrúar 1801 úr ginklofa.
Stjúpbörn Bjarna, börn Þuríðar:
6. Jóhanna Jónsdóttir húsfreyja á Vilborgarstöðum, f. 1788, d. 10. júní 1848.
7. Jón Jónsson, f. 1792, dó ungur.
8. Jónas Einarsson Vestmann formaður, f. 1798, d. 1834 í Þurfalingsslysinu.

III. Kona Bjarna, (13. september 1806), var Halldóra húsfreyja, f. 1774 í Þykkvabæ í Landbroti, d. 1. maí 1822, Pétursdóttir bónda í Þykkvabæ í Landbroti, en síðar á Gjábakka, f. 1738, d. 27. september 1792, Vilhjálmssonar og konu Péturs, Sigríðar Eiríksdóttur húsfreyju, f. 1740, d. 28. september 1786 á Gjábakka.
Börn Bjarna og Halldóru hér:
9. Þuríður Bjarnadóttir, f. 21. júlí 1803, d. 4. ágúst 1803 úr einhverskonar sótt.
10. Þuríður Bjarnadóttir]], f. 29. maí 1805 á Miðhúsum, fermd 1819, d. 25. nóvember 1821 úr landfarsótt.
11. Elín Bjarnadóttir, f. 2. desember 1806 á Miðhúsum, fermd 1821, d. 3. apríl 1831 á Vesturhúsum.
12. Ögmundur Bjarnason, f. 23. febrúar 1808, d. 27. febrúar 1808. Dánarmeins er ekki getið.
13. Hólmfríður Bjarnadóttir, f. 26. apríl 1810, fermd 1827, d. 24. janúar 1855 „af holdsveiki“. Hún var í Garðinum 1835, vinnukona í Dölum 1845, skilin vinnukona í Kornhól 1850.
14. Sigríður Bjarnadóttir, f. 3. ágúst 1811, d. 10. ágúst 1811, 7 daga gömul, „af barnaveikindum“, (mun vera ginklofi).
15. Sigríður Bjarnadóttir, tvíburi, vinnukona á Oddsstöðum 1835, húsfreyja í Dölum 1840, í Kornhól 1855, f. 25. júní 1814 í Eyjum, d. 25. september 1857, kona Helga Jónssonar, f. 9. júlí 1806.
16. Halldóra Bjarnadóttir, tvíburi, f. 25. júní 1814, mun hafa dáið ung, (skýrslur vantar).
17. Guðríður Bjarnadóttir, f. 5. janúar 1816, mun hafa dáið ung, (skýrslur vantar).


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.