Björn Björnsson (Oddsstöðum)

From Heimaslóð
Jump to: navigation, search

Björn Björnsson á Oddsstöðum, síðar bóndi á Steinsstöðum, fæddist 16. mars 1789 í Kollabæ í Fljótshlíð og lést 20. júní 1821.
Föður hans var ekki getið við skírn, en hann var „Björn í Kollabæ“ í Fljótshlíð.

Móðir Björns var Bergljót Sigurðardóttir, f. 1750, d. 21. nóvember 1819.

Bergljót móðir Björns var föðursystir Bóelar Jensdóttur húsfreyju á Oddsstöðum, konu Jóns Þorleifssonar sýslumanns.

Björn var vinnudrengur í Tjarnarkoti í A-Landeyjum 1801, en þá var móðir hans vinnukona í Hallgeirsey þar. Hann var hjá Bóel frænku sinni á Oddsstöðum 1810, en var orðinn bóndi á Steinsstöðum 1813 með Málfríði fyrri konu sinni, Einari barni þeirra og Bergljótu móður sinni. Þar var einnig dóttir hans Þuríður Björnsdóttir á fyrsta ári.
Við manntal 1816 var Málfríður fyrri kona hans vinnukona á Sámsstöðum í Fljótshlíð, en Björn var á Steinsstöðum með síðari konu sinni Helgu Stefánsdóttur, börnum sínum Einari 6 ára og Þuríði 3 ára, Helgu konu sinni og Bergljótu móður sinni.
Hann lést 1821 úr landfarsótt.

Björn var tvíkvæntur.
I. Fyrri kona hans, (2. september 1810, skildu), var Málfríður Jónsdóttir húsfreyja, f. um 1773.
Barn þeirra:
1. Einar Björnsson, f. 19. júní 1810, hrapaði til bana 2. júní 1821.<br

II. Barnsmóðir Björns var Anna Bjarnadóttir í Þorlaugargerði, f. 22. maí 1787, d. 7. júní 1840.
Barnið var
2. Þuríður Björnsdóttir húsfreyja, f. 1813 í Þorlaugargerði, d. 16. október 1837.

III. Síðari kona Björns, (þau gift fyrir fæðingu Ingiríðar 1817), var Helga Stefánsdóttir frá Bjalla á Landi, húsfreyja á Steinsstöðum 1816, f. 5. desember 1783, d. 28. febrúar 1864. Hún varð síðar kona Halldórs Ásmundssonar í Stóra-Gerði.
Börn Björns og Helgu hér:
3. Ingiríður Björnsdóttir, f. 12. september 1817, d. 19. september 1817 úr ginklofa.
4. Ingiríður Björnsdóttir húsfreyja í Stóra-Gerði, f. 9. september 1818, d. 4. júlí 1870.
5. Helga Björnsdóttir, f. 28. október 1819, d. 2. nóvember 1819 úr ginklofa.
6. Björn Björnsson, f. 2. júlí 1821, d. 8. júlí 1821 úr ginklofa.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Manntöl.
  • Prestþjónustubækur.
  • Ættir Austfirðinga. Einar Jónsson og fleiri. Austfirðingafélagið í Reykjavík 1953-1968.


Þessi grein tilheyrir Æviskrám Eyjafólks eftir Víglund Þór Þorsteinsson.