Bergur Elías Ágústsson

Úr Heimaslóð, Sögusetri Vestmannaeyja
Fara í flakk Fara í leit
Bergur Elías Ágústsson

Bergur Elías Ágústsson er fæddur 7. júlí 1963. Bergur er fæddur og uppalinn í Vestmannaeyjum, sonur Ágústs Bergssonar og Stefaníu Guðmundsdóttur úr Skuld. Kona Bergs er Bryndís Sigurðardóttir bókavörður á Bókasafni Vestmannaeyja.

Bergur hóf nám við Framhaldsskólann í Vestmannaeyjum. Eftir verslunarpróf frá skólanum fór hann til Danmerkur á kristilegan lýðháskóla. Svo lauk hann stúdentsprófi og fór til Noregs í háskóla. Þar lauk hann mastersnámi í líffræði og hagfræði. Hann ílengdist í Noregi og fékkst við störf og frekara nám. Eftir heimkomu til Íslands fékk hann starf á Seyðisfirði, áður en hann kom aftur til Eyja.

Bergur var ráðinn bæjarstjóri í Vestmannaeyjum árið 2003 þegar nýr meirihluti Vestmannaeyjalistans og Framsóknarflokksins tók við völdum. Bergur var bæjarstjóri til ársins 2006. Í bæjarstjóratíð Bergs var komið til leiðar fjölgun ferða Herjólfs, byggingu nýs leikskóla Sóla ásamt því að koma upp fullkomnu upplýsingarkerfi Vestmannaeyjabæjar.

Í ágúst árið 2006 var Bergur Elías ráðinn sem bæjarstjóri í sveitarfélaginu Norðurþing sem varð til 10. júní 2006 með sameiningu fjögurra sveitarfélaga í Þingeyjarsýslum, þ.e. Húsavíkurbæjar, Kelduneshrepps, Öxarfjarðarhrepps og Raufarhrafnarhrepps.