Anna Jesdóttir

Anna Jesdóttir fæddist 2. desember 1902 að Eyvindarhólum undir A-Eyjafjöllum og lézt 18. september 1994.

Anna Jesdóttir. Mynd á Þórir Óskarsson.
Hjónin Anna Jesdóttir og Óskar Kárason. Mynd á Þórir Óskarsson.

Foreldrar hennar voru Ágústa Eymundsdóttir og Jes A. Gíslason.
Hún fluttist með þeim til Vestmannaeyja árið 1907.
Anna lærði fyrst á píanó hjá Önnu Pálsdóttur í Vestmannaeyjum, síðar hjá Huldu A. Stefánsdóttur á Akureyri veturinn 1917-18. Hún fór í píanónám til Kaupmannahafnar 1921-1924 og lærði þar í einkatímum hjá hinum frábæra pianóleikara og kennara Haraldi Sigurðssyni prófessor við tónlistarskólann í Kaupmannahöfn. Hún fékk hrós frá Haraldi fyrir góðan árangur í píanónáminu og hvatningu til að halda áfram á sömu braut.
Eftir heimkomu frá námi kenndi hún á píanó í mörg ár á heimili sínu Sunnuhóli í Vestmannaeyjum. Einnig spilaði hún í bíó undir þöglu kvikmyndunum og á dansi-böllum, áður en danshljómsveitir komu til sögunnar. Með Lúðrasveit Vestmannaeyja undir stjórn Oddgeirs Kristjánssonar spilaði hún á skemmtunum, sem nefndar voru Kvöldvökur.
Hún spilaði á flygilinn sinn alveg fram á níræðisaldur.
Eiginmaður Önnu var Óskar Kárason.
Börn þeirra eru:

  1. Ágústa talsímakona, f. 3. febrúar 1930,
  2. Kári múrarameistari, f. 25. júlí 1931 og
  3. Þórir flugstjóri, f. 19. september 1934.

Myndir


Heimildir

færði á Heimaslóð.

Copyright © Vestmannaeyjabær 2005


... þó á Höfðanum þjóti ein þrettán stig ...