Þorvaldur Guðjónsson (Sandfelli)

Úr Heimaslóð, Sögusetri Vestmannaeyja
Fara í flakk Fara í leit
Þorvaldur

Þorvaldur Guðjónsson, Sandfelli, fæddist að Moldnúpi undir Eyjafjöllum 10. mars árið 1893. Þorvaldur fluttist til Vestmannaeyja með foreldrum sínum árið 1908. Formennsku hóf Þorvaldur árið 1915 á Sillu og síðar á Rán og Gammi. Frá 1920 og til 1930 var Þorvaldur formaður með ýmsa báta fyrir Gísla Magnússon. Þá keypti Þorvaldur Leó og var með hann fram til 1950 þegar heilsan fór að bresta. Þorvaldur lést 13. apríl 1959.

Óskar Kárason samdi formannavísu um Þorvald:

Valdi Leó leiðir rétt
lagar þró um breiða,
herjar sjó í hríðum þétt,
happa kló til veiða.

Ath. Vísað er á minningargrein um Þorvald: Sjómannadagsblað Vestmannaeyja 1959/ Þorvaldur Guðjónsson, skipstjóri.

Myndir


Heimildir

  • Óskar Kárason. Formannavísur. Vestmannaeyjum, 1950.
  • Sjómannablaðið Víkingur. Farmanna- og Fiskimannasamband Íslands.