Þorbjörg Jónsdóttir (Grundarbrekku)

From Heimaslóð
Jump to: navigation, search

Þorbjörg Jónsdóttir á Grundarbrekku, húsfreyja fæddist 21. október 1872 í Norðurgarði í Mýrdal og lést 2. ágúst 1945.
Foreldrar hennar voru Jón Þórðarson bóndi í Norðurgarði, f. 12. september 1822 á Brekkum í Mýrdal, d. 19. mars 1884, og síðari kona hans Ólöf Guðmundsdóttir húsfreyja, f. 11. desember 1840 á Syðri-Rotum u. Eyjafjöllum, d. 28. mars 1912.

Systir Þorbjargar var Rósa Jónsdóttir, f. 15. mars 1880 móðir Ragnheiður Ólafsdóttir húsfreyja í Eiríkshúsi, f. 12. júní 1902, d. 11. október 1986.

Þorbjörg var með foreldrum sínum til 1893, var vinnukona á Skeiðflöt í Mýrdal 1893-1894, á Litlu-Hólum 1894-1899, er hún fluttist til Eyja. Hún var vinnukona í Dölum 1900, og þar var Magnús einnig.
Þau Magnús giftu sig 1900, voru þá vinnufólk hjá Einari Sveinssyni og Guðríði Helgadóttur í Þorlaugargerði, en þau voru í Nýjabæ við fæðingu Halldórs 1904, en komin í Fagradal síðari hluta ársins og voru þar enn 1912, en voru komin á Grundrbrekku 1913 og bjuggu þar síðan. Þau eignuðust fjögur börn, en eitt þeirra fæddist andvana.
Magnús lést 1940 og Þorbjörg 1945.
Maður Þorbjargar, (1900), var Magnús Eyjólfsson sjómaður, verkamaður á Grundarbrekku, f. 13. mars 1862 í Tobbakoti í Þykkvabæ, Rang., d. 26. júlí 1940.
Börn þeirra:
1. Friðrik Halldór Magnússon, f. 15. apríl 1904 í Nýjabæ, d. 16. janúar 1978.
2. Guðrún Guðríður Magnúsdóttir, f. 27. júlí 1906 í Fagradal, d. 20. maí 1987.
3. Andvana drengur, f. 11. janúar 1909.
4. Magnús Þórarinn Magnússon, f. 24. maí 1912 í Fagradal, d. 20. febrúar 1978.


Heimildir

  • Samantekt: Víglundur Þór Þorsteinsson.
  • Íslendingabók.is.
  • Manntöl.
  • Prestþjónustubækur.
  • Vestur-Skaftfellingar 1703-1966. Björn Magnússon. Leiftur 1970-1973.


Þessi grein tilheyrir Æviskrám Eyjafólks eftir Víglund Þór Þorsteinsson.