Ólafur Jónsson (Dölum)

From Heimaslóð
Jump to: navigation, search

Ólafur Jónsson bóndi í Dölum fæddist 1800 í Háfssókn í Holtum og lést 21. september 1863.

Ólafur var vinnumaður á Oddsstöðum 1822, var orðinn bóndi í Dölum 1825. Hann bjó þar síðan.
Hann var einn þriggja, sem fengu sektir og bann við setu í kór vegna óspekta í kirkjunni um áramótin 1831. Hinir voru Sigurður Sigurðsson, þá vinnumaður í Hólmfríðarhjalli og Geirmundur Ólafsson vinnumaður á Oddsstöðum.

I. Barnsmóðir Ólafs var Anna Bjarnadóttir vinnukona, þá á Oddsstöðum.
Barnið var
1. Sigurður Ólafsson, f. 21. nóvember 1822, d. 10. desember 1822 úr „barnaveiki“.

Ólafur var tvíkvæntur.
I. Fyrri kona Ólafs, (23. október 1825), var Fídes Pétursdóttir húsfreyja, f. 1790, d. 17. júlí 1842.
Börn þeirra hér:
2. Guðmundur Ólafsson bóndi á Vilborgarstöðum, f. 1. janúar 1826, d. 22. maí 1866.
3. Jakob Ólafsson, f. 6. mars 1827, d. 11. mars 1827 úr „Barnaveiki“.
4. Geirlaug Ólafsdóttir, f. 30. janúar 1828, d. 5. febrúar 1828 úr ginklofa.
5. Jón Ólafsson, f. 28. mars 1830, d. 5. apríl 1830 úr ginklofa.
6. Sveinn Ólafsson, f. 23. apríl 1832, d. 25. apríl 1832 úr ginklofa.

II. Barnsmóðir Ólafs var Valgerður Magnúsdóttir vinnukona úr A-Landeyjum, f. 16. október 1806, d. 6. desember 1896.
Barn þeirra var:
7. Ólafur Ólafsson, f. í Krosssókn í Landeyjum 1842, hrapaði úr Elliðaey 14. júlí 1867.

III. Síðari kona Ólafs, (8. nóvember 1850), var Guðríður Þorsteinsdóttir frá Sperðli í V-Landeyjum, f. 1797.
Þau voru barnlaus.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.