Ástríður Þorláksdóttir (Vilborgarstöðum)

Úr Heimaslóð, Sögusetri Vestmannaeyja
Stökkva á: flakk, leita

Ástríður Þorláksdóttir húsfreyja á Vilborgarstöðum fæddist 1766 í Kornhól og lést 15 ágúst 1842 í Draumbæ.
Móðir hennar var Ólöf, f. 1737, d. 29. júlí 1776, Magnúsdóttir prests á Syðri-Fljótum, síðar í Stóra-Dalssókn u. Eyjafjöllum og konu hans Þórunnar „yngri“ Björnsdóttur.
Þorlákur faðir Ástríðar er ókunnur, e.t.v. síðari maður Ólafar.

Ástríður var vinnukona í Vesturholti u. Eyjafjöllum 1801, var húsfreyja á Vilborgarstöðum frá 1801, ól 3 börn og missti þau öll úr ginklofa. Sennilega hefur hún búið á Vilborgarstöðum til ársins 1828, en þá bjuggu þau Þorkell í Draumbæ, sem mun hafa verið hjáleiga Ofanleitis. Hún var 70 ára húsfreyja á Ofanleiti (hjáleigu) 1835 og 1840 og lést ekkja í Draumbæ 1842.

Ástríður var tvígift.
I. Fyrri maður hennar, (19. nóvember 1801), var Árni Guðmundsson bóndi á Vilborgarstöðum, f. 1762, d. 21. apríl 1819. Hún var síðari kona hans.
Börn þeirra hér:
1. Guðmundur Árnason, f. 27. júni 1803, d. 2. júlí 1803 úr ginklofa.
2. Katrín Árnadóttir, f. 23. júlí 1805, d. 11. júlí úr ginklofa.
3. Stefán Árnason, f. 10. október 1808, d. 24. október 1808 úr ginklofa.

II. Síðari maður Ástríðar, (1819), var Þorkell Jónsson, þá vinnumaður á Vilborgarstöðum, síðar bóndi á hjáleigu frá Ofanleiti og í Draumbæ, f. 1790, d. 26. júlí 1842.
Þau Ástríður voru barnlaus.


Heimildir

  • Samantekt: Víglundur Þór Þorsteinsson.
  • Íslendingabók.is
  • Manntöl.
  • Prestþjónustubækur.
  • Vestur-Skaftfellingar 1703-1966. Björn Magnússon. Leiftur 1970-1973.


Þessi grein tilheyrir Æviskrám Eyjafólks eftir Víglund Þór Þorsteinsson.



Þessi grein tilheyrir Æviskrám Eyjafólks eftir Víglund Þór Þorsteinsson.