Ásdís Guðmundsdóttir (Héðinshöfða)

Úr Heimaslóð, Sögusetri Vestmannaeyja
Stökkva á: flakk, leita

Ásdís Guðmundsdóttir húsfreyja í Héðinshöfða fæddist 10. ágúst 1913 á Sólheimum í Hrunamannahreppi og lést 9. október 1995.
Foreldrar hennar voru Guðmundur Brynjólfsson bóndi, f. 10. janúar 1865, d. 8. maí 1952, og kona hans Guðrún Gestsdóttir húsfreyja, f. 15. október 1873, d. 5. desember 1918.

Ásdís var með foreldrum sínum meðan beggja naut við, en móðir hennar lést 1918. Hún var með fjölskyldunni á Sólheimum 1920, en var vetrarstúlka í Reykjavík 1930.
Ásdís var vinnukona á Stekkum og þar var Gísli vinnumaður. Hún eignaðist Unni í Reykjavík 1934 og fluttist fljótlega með hana til Eyja.
Þau Ásdís voru á Stóru-Heiði 1935 og enn 1939, í Birtingarholti 1940.
Þau bjuggu í Héðinshöfða 1941 og síðan.
Gísli lést þar 1972. Ásdís fluttist í Hafnarfjörð við Gos, en sneri til Eyja ári síðar. Hún lést í Héðinshöfða 1995.


Maður Ásdísar, (1972), var Gísli Gíslason skipasmiður, f. 13. nóvember 1902, d. 24. desember 1972.
Börn þeirra:
1. Unnur Gísladóttir húsfreyja á Akureyri og í Reykjavík, f. 10. ágúst 1934 í Reykjavík.
2. Haukur Gíslason vélstjóri í Eyjum, f. 29. október 1935 á Stóru-Heiði, d. 2. mars 1980.
3. Garðar Gíslason skósmiður í Kópavogi, f. 3. mars 1937 á Stóru-Heiði.
4. Guðrún Gísladóttir húsfreyja, f. 3. nóvember 1938 á Stóru-Heiði.
5. Sigríður Gísladóttir húsfreyja, f. 3. nóvember 1938 á Stóru-Heiði.
6. Gísli Gíslason bóndi á Geldingalæk á Rangárvöllum, f. 15. mars 1940 í Birtingarholti.
7. Þóra Gísladóttir, f. 6. ágúst 1941 í Héðinshöfða, d. 1. mars 1944.
8. Guðmundur Gíslason sjómaður, f. 2. nóvember 1942 í Héðinshöfða, d. 5. nóvember 1968.
9. Halldóra Gísladóttir, f. 20. júlí 1944 í Héðinshöfða, hrapaði til bana úr Hánni 17. maí 1954.
10. Sigurlaug Gísladóttir húsfreyja, f. 12. janúar 1946 í Héðinshöfða.
11. Stefán Gíslason, f. 21. október 1948 í Héðinshöfða, d. af slysförum 22. apríl 1966.
12. Ólafur Gíslason verkstjóri, f. 12. nóvember 1949 í Héðinshöfða.
13. Kristrún Gísladóttir húsfreyja, f. 2. mars 1952 í Héðinshöfða.
14. Halldóra Gísladóttir húsfreyja, kennari, f. 30. september 1955 í Héðinshöfða.
15. Þóra Gísladóttir húsfreyja, f. 5. mars 1957 í Héðinshöfða.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.