Árni Sigurðsson (Norðurgarði)

Úr Heimaslóð, Sögusetri Vestmannaeyja
Stökkva á: flakk, leita

Einar Árni Sigurðsson frá Norðurgarði, vinnumaður fæddist 5. september 1927 í Gíslholti og lést 27. janúar 2003 á Dvalar- og hjúkrunarheimili aldraðra á Hvolsvelli.
Foreldrar hans voru Sigurður Einarsson frá Norðurgarði, f. 6. júlí 1895, d. 1. júní 1929, og kona hans Margrét Jónsdóttir húsfreyja, f. 23. ágúst 1894, d. 3. júní 1934.

Móðursystir Árna var
1. Kristín Jónsdóttir í Gíslholti, húsfreyja f. 24. mars 1898, d. 19. apríl 1969.

ctr
Sigurður og Margrét kona hans með börnin Ástu og Árna.

Árni var með foreldrum sínum, en faðir hans hrapaði til bana í Geirfuglaskeri, þegar hann var á öðru árinu. Hann var með móður sinni og Ástu systur sinni í Gíslholti 1930, en móðir hans lést, er hann var á sjöunda árinu.
Árni var sendur í fóstur að Steinum u. Eyjafjöllum til Sigurbergs Magnússonar bónda og Ellu húsfreyju, og þar ólst hann upp og vann síðar búinu. Hann var vinnumaður meðan kraftar entust.
Að síðustu dvaldi hann á hjúkrunarheimili aldraðra á Hvolsvelli og lést 2003.
Hann var ókvæntur og barnlaus.


Heimildir


Þessi grein tilheyrir Æviskrám Eyjafólks eftir Víglund Þór Þorsteinsson.